Bajarê Den Haagî yê Hollanda  û Torontê Kanada de ciwanê kurdan semedê şermezarkerdişê tecrîdê serê Rayberê Şarê Kurdî Abdullah Ocalanî ameyî têhet.

Vizêr serkêşîya têgêrayîşanê ciwanan ê Ewropa TekoJIN û TCŞyî de îstasyonê trenan ê Den Haagî de çalakîye ameye kerdene û azadîya Abdullah Ocalanî ameye waştene.

Çalakîye sloganê sey “Bijî Serok Apo” , “Ciwan fedaiyê Rêber APO ne!” û  “Bijî Berxwedana Gerîla’’ ameyî vatene.

Têgêrayîşanê ciwanan veng da ciwananê şorişgêran ke Ewropa de ciwîyenê wa çarçeweya hemleya “Cenga Azadiyê Serbixin” de vejîye waran.

Toronto de zî bi eynî waştişî ciwanan tramvayan de nuşteyê “Rayber Apoyî rê Azadîye’’ daliqnayî û veng xurtkerdişê têkoşînî veng da.