Goreyê zanayîşan seba ke rolê înan komiştişê Parîsî de esto derheqê Teşkîlatê Îstîxbaratî yê Tirkî MÎT’î de cipêrsayîş dest pêkerd.

Avûkat Jean-Louis Malterre yo ke ANF’yî rê qisey kerd da zanayene ke derheqê rolê MîT’î de  cipersayîş ame destpêkerdene. Melterre  ard ziwan ke adeletî qebûl kerd ke engişta servîsanê Tirkan nê komkiştişî de esto û va: ’’Dewaya verêne bi qetilkarî Omer Gunayî bisinor bî, la heman dosya de rolê mîtî eşkera ame tesbîtkerdene.’’

Avûkat Antoîne Comte yo ke Ajansê Xeberan ê AFP’yî yê Fransa rê qisey kerd, vat: ‘’No qewimîyîşêko tarîxî yo, hinî ê ke teber ra talîmatê qetilkerdişî denê, bêceza nêmanênê.’’

Komkiştiş 9’ê Çele ya 2013 de merkeze Parîsî de ame kerdene. Ronayoxanê PKK’yî ra Sakîne Cansize (Sara), temsîlkara KNK’yî  Fîdan Dogane ( Rojbîne) û endama Têgêrayîşê Ciwanîye yê Kurdan ra Leyla Şaylemeze ( Ronahî) ameyî qetilkerdene.

Omer Gunayo ke sey tek qetilkarî zindan de bi, çend hewteyî dewaya vere peynîya 2016’î de zindan de bişik merd û dewaya ci ginaye war. La merdimanê hîrê cinîyan û Kurdan peynîya dewaye canêverda û waşt ke  înan ke talîmatê komkiştî dayo vejîyê werte.

12’ê Adar a 2018’î de  pêhesnayîşê sûcî ame kerdene. Avûkat Antoîn Comte bale ante plananê hêrişî yê dewleta Tirkî yê Belçîka û Amanya ser û  waşt heme faktorî bêrê cipersayîşî.