Bajarê Stuttgartî yê Almanya de roniştişê dewaya derheqê sîyasetmedarê kurdî Salîhî K.yî de ame viraştene. Roniştişo ke Mehkemeya Berze ya Eyelatê Stuttgartî de ame kerdene vukatê Salîh K.yî Anna Busl tewrê ci bîye. Dozgerîye derheqê Salîh K.yo ke goreyê madeyê 129dyî yê Qanûnê Ceza yê Almanî yeno hukmkerdene de 3 serrî û 6 aşmî ceza waşte.

Avûkate Anna Busl bale ante problemanê weşîye yê muvekîlê xo ser û vat nê şertan de nêeşkeno zîndan de bimano. Busle vat muwekelê ci ganî tedawî bivîno û eke wina derg zere de bimano rewşa ey zaf bena xidare.

Salîh K.yî zî nê vatî: ‘‘Mi bi serran KESK û ÎHD de îdarekarîye kerde. Ez sîyasetmaderêko aktîf a. Ez 63 serrî ya û mi çirey dest şîdetî nêkerd. Kurdîstan de merdimî bodruman de yenê vêşnayene, qijî, derguşî yenê qtilkerdene. Ez nêeşkena vera nînan bêveng bimanî. Bi serran o ez seba haştîye têkoşîn kena. Xora seba ke ez Tirkîya de nêeşkayêne sîyaset bikerî ameya tîya. Bawerîya mi ya edaletî esta û ez tîya ra qerarêkê biedaletî pawena.‘‘

Mehkemeya Berze ya Eyelatê Stuttgartî do qerarê xo yê derehqê Salîhî Kyî de 15ê çeleyî de eşkera bikero.