Dewaya Cansu Ozdemîr qedîyaye
Hemsereka Koma Partîya Çepe ya Eyaletê Hamburgî Cansu Ozdemîr bi bahaneya parekerdişê alaya PKKyî ci rê dewa amebî akerdene. Dewaya Ozdemîre ameye qefilnayene. Ozdemîre cezaya pere ya ke mehkeme waşte do nêda.
Hemsereka Kma Partîya Çepe ya Elayetê Hamburgî Cansu Ozdemîr serrgêra qedexeyê xebatanê PKKyî de 27ê kanûna 2017î de twitter de alaya PKKyî ya bi nuşteyê 'Wa qedexeyê PKKyî wurzo ForbiddenlnGermany' pare kerdbi.
Dima Mehkemeya Herêmîye Ozdemîre rê cezaya 500 euro dabi. La seba ke Ozdemîre pere nêda ceza bîye 1500 euro.
Partîya Çepe seba temyîzê ceza şîye Mehkemeya Îdarî ya Altone-Hamburgî. Mehkeme îdîa kerd ke Ozdemîre Qanûnê Komeleyan binpay kerd û ci rê cezaya 4 hezar û 500 euro daye. Ozdemîre da zanayene ke a do 1000 euro seba komeleyêke bexş bikera la pereyê bînî nêda û dewa reyna berde temyîz.
Roniştişê dewa ra verî Mehkemeya Berze ya Eylaetî pare kerd ke dewa batal bîye û Ozdemîre pereyê bînî do nêda. Bi nê hawayî dewaya di serran qedîyaye.
Cansu Ozdemîr derheqê babete de ANFyî rê qisey kerd û vat: ''Waştişê wedaritişê qedexeyê vera PKKyî ganî sûc nêbo. No waştiş waştişêko meşrû yo. Mi zî no heqê xo xebitna û ala pare kerde. Ez do sey parlamenterêke nê waştişê xo dewam bikera.''
