Dewaya Kenan Ayazî de ancî dadger ame redkerdene
Dewaya vera Kenan Ayazî de Mehkemeya Eyaletî ya Berze ya Hamburgî de tewirê serekê mehkeme Wende-Spohrsî bi sebebê nêrazîbîyayîş û avûkatanê Ayazî dadger red kerd.
Mehkemeya Eyaletî ya Berze ya Hamburgî de roniştişê dewaya vera Kenan Ayazî 12ê adare de ame kerdene.
Roja 21ine ya roniştişî de seba ke seyrkeran paştî daye Kenan Ayazî serekê mehkeme Wende-Spohrsî tewirê agresîfî mojnayî ra. Wende-Spohrsî waştişê seyrkeran zî peygoş kerdî û bi ziwanêkê heqaretwarîyî avûkatan de qisey kerd.
Terefê pawitişî waşt ke serekê mehkeme bêro vurnayene. Terefê pawitişî da zanayene ke qestî ra pawitişê Kenan Ayazî yeno astengkerdene.
Roniştiş do 20ê adare de dewam bikero.
Kenan Ayazo ke Tirkîya de vera ey dewaya KCKyî ra bira tepiştişî est a, Almanya de 3yê teşrîna peyêne ra nata yeno muhakemekerdene.
