Şaristanê Bernî yê Swîsre de roniştişê dewaya pankarta ''Bi çeka Erdoganî, Erdoganî bikişê'' ame kerdene.Verê mehkeme de girseyêk kom bi û pankarta ke ser de sûcê Erdoganî nusîyayêne akerde. Polîsan mudaxeleyê girseyî kerd û dest na pankarte ser. Polîsan nasnameyê tay kesan zî kontrol kerdî.

Roniştiş de ame waştene ke endamê Wezîrîya Karanê Teberî ya Swîsre (EDA) sey şahîdî bêrê goşdarîkerdene la no waştiş ame redkerdene. Muxabîrê Ajansê Anadoluyî Bayram Altug zî tewrê roniştişî bi ke xebera xo de aktîvîstê ke ameyêne muhakemekerdene sey 'terorîst, endamanê rêxistina terorî' pênase kerdî.

Avûkatan waşt ke Altug mehkeme ra bêro vetene. Dewleta Swîsre seba ke têkilîyê ci yê bi Tirkîya xirab mebê têgêraye. Roniştiş taloqê ewroyî ame kerdene.