Dewaya TKP/ML’yî de hîrê kesî ameyî veradayene
Aktîvîste Dr. Banû Buyukavci, Dr. Sînan Aydin û Samî Solmazo ke bajarê Munîhî yê Almanya de dewaya TKP/ML’yî ra panc serrî yo tepişte bîyî ameyî veradayene.
Aktîvîste Dr. Banû Buyukavci, Dr. Sînan Aydin û Samî Solmazo ke bajarê Munîhî yê Almanya de dewaya TKP/ML’yî ra panc serrî yo tepişte bîyî ameyî veradayene.
Konfederasyonê Karkeranê Tirkîya (ATÎK) ra 10 endam û îdarekarî bi îdîaya “Endamî û îdarekarîya organîzasyonê TKP/ML’yî” Hezîran a 2016’î ra nata Mehkemeya Berze ya Eyaletê Munîhî de yenê muhakemekerdene.
Dewa sey dewaya tewr qerebalixe ya sîyasîye ya serranê peyênan a Almanya yena dîyene. Roniştişê Hezîran a ravêrteye de Dr. Banû Buyukavci, Dr. Sînan Aydin û Samî Solmaz ameybî tepiştene.
Aktîvîstî bi îdîaya “bê destûr seba betlaneyî vejîyayê teberê Almanya” ameyî sûcdarkerdene. Heyetê mehkema sûcdarîyê ke dozgerî aktîvîstan ser o kerdî nêheq dîyî û qerar da ke bêrê veradayene.
Her hîrê aktîvîstî do bi hawayêkê nêrepişteyî bêrê muhakemekerdene.