Kurdîstanijî Awusturya û Kanada de dostanê xo reyde vejîyayî meydanan û hêrişê dewleta tirke şermezar kerdî.

Viyana

Paytextê Awusturya Viyana de kurdîstanijî dostanê xo reyde kom bîyî û hêrişê dewleta tirke yê vera Herêmanê Pawitişî yê Medya, Mexmûr û Şingalî şermezar kerdî. Girseyî venga Hukmatê Awusturya da ke vera hêrişanê dewleta tirke tewirê xo bimojno. Çalakîye de fotografê Rayberê Şarê Kurdî Abdullah Ocalanî û alaya YPGyî ameyî kiriştene. Derheqê babete de vilawekî zî ameyî vilakerdene.

Toronto

Şaristanê Torontoyî yê Kanada de hêrişê dewleta tirke ameyî şermezarkerdene. Kurdîstanijan û dostanê înan hêrişê vera Mexmûr, Şingal û Herêmanê Pawitişî yê Medya şermezar kerdî. Çalakîkeran bêvengîya hêzan ê mîyanneteweyîyan şermezar kerde û sloganê ''Faşîst Erdogan'', ''Dewleta tirke Kurdîstanî ra def be'', ''Ocalanî rê azadîye'' vatî.