Hêrişê faşîstî yê dewleta tirke şaristanê Bordeauxî yê Fransa, şaristanê Goteborgî yê Swêdî, şaristanê Lozanî yê Swîsre û şaristanê Hildesheimî yê Almanya û şariştanê Den Haagî yê Hollanda de ameyî şermezarkerdene.

Hildesheimê Almanya de zî hetê Meclîsê Cinîyan ê Berçeme Cilo, Komunê Cinîyan ê Meryeme û Merkezê Komelê Demokratîkî yê Kurdan çalakîyêke ameye organîzekerdene.

Şaristanê Bordeauxî yê Fransa de pê vengdayîşê  CDKB yî û Têgêrayîşê Cinîyan ê Kurdan ê Fransa çalakîyêke ameye kerdene û operasyonê qirkerdişê sîyasî yê dewleta tirke yê vera HDPyî ameyî şermezarkerdene. Çalakîye de vilawekî ameyî vilakerdene.

Şaristanê Goteborgî yê Swêdî de Merkezê Komelê Demokratîkî yê Kurdan, Komunê Cinîyan ê Şehîde Sema teda û hêrişê dewleta tirke yê vera tepişteyan û HDPyî pê çalakîyêke şermezar kerdî. Çalakîkeran venga şarî da ke turîzm û malanê Tirkîya boykot bikerê.

Şaristanê Lozanî yê Swîsre de zî hetê  Merkezê Komelê Demokratîkî yê Kurdan ra çalakîyêke ameye kerdene. Çalakîye de ame vatene ke têkoşînê şarê kurdî yê vera îşxalê dewleta tirke têkoşînê vera faşîzmî yo. Çalakî pê wendişê vilawekan ê fransizkîyan qedîyaye.

Den Haag de zî bi eynî waştişî çalakîya ke hetê DKTMyî ra ameye organîzekerdene verê Parlamentoya Hollanda de ameye kerdene.