Koln û Limassol de hêrişê îşxalî yê dewleta tirke yê vera Şingal, Mexmûr û Rojawanî ameyî şermezarkerdene.

Şaristanê Limassolî yê Kibrisî de verê Merkezê Komelê Kurdan ê Theofilosî ra heta Şaredarîya Limasolî mîtîngêk ame kerdene. Girseyî vera sloganê sey ''Biciwîyo xoverdayîşê Rojawanî'', ''Kiştox Erdogan'' vatî. Eşkerayîye ra dima Endamê Meclîsê Şarê Kurdî Baran Hebûn û Endamê Komîsyonê Phoebus G. Sparosî qisey kerd û înan vat ke rixmê pêro hêrişanê xo zî dewleta tirke do ser mekewa.

Şaristanê Kolnî yê Almanya de ciwanan vera hêrişanê dewleta tirke çalakîya rayraşîyayîşî kerde. Ciwanan pankartî, alayê YPG, PKK, YPJyî akerdî û hemkarîya PDKyî ya bi dewleta tirke protesto kerde. Çalakîye de sloganî ameyî vatene û ciwanî pê meşaleyan şîyî. Ciwanan dima eşkerayîye daye û venga pêro ciwanan da ke tewrê Rayraşîyayîşê Dergî bibê.