Dewleta tirke Orebro û Freiburg de ame şermezarkerdene
Dewleta tirke ya îşxalkere ya ke pê operasyonanê qirkerdişî Başûrê Kurdîstanî de qirkerdişan kena, şaristanê Orebroyî yê Swêdî de û şaristanê Freiburgî yê Almanya de ameyî şermezarkerdene.
Orebro
Şaristanê Orebroyî yê Swêdî de pê vengdayîşê Merkezê Komelê Demokratîkî yê Kurdan temsîlkarê dezgehanê kurdîstanijan kom bîyî û hêrişanê dewleta tirke yê vera Mexmûr, Şingal û Qendîlî şermezar kerdî. Serekê Merkezê Komelê Demokratîkî yê Kurdan ê Swêdî Ridvan Altunî çalakîye de qisey kerd û ard ziwan ke dewleta tirke pêro qanûn û peymananê mîyanneteweyîyan bin pay kena.
Freiburg
Şaristanê Freiburgî yê Almanya de zî şar vera hêrişanê dewleta tirke vejîya meydanan. Kurdîstanijan dewleta tirke ya îşxalkere şermezar kerde. Çalakîye de venga rayaumûmîye ame dayene ke bi hîsgerî têbigêra.
