Kongreya Sendîkayanê Karkeran a Îrlanda (ICTU) 8-9ê êlule de konferansêk kerd. Înîsîyatîfo Mîyanneteweyî yê 'Abdullah Ocalanî rê Azadîye, Kurdîstanî rê Haştîye' beşdarê konferansê bi.

Verî Serekê Kongre Kevin Callinanî qisey kerd, dima zî derheqê edaletê îklîmî, paştdayîşê bi têkoşînê kurdan û Filîstînî de nîqaşî ameyî kerdene.

Çarçewa Kampanyaya 'Abdullah Ocalanî rê Azadîye' de komxebatêke zî ameye kerdene. Vervatoxê Înîsîyatîfê Mîyanneteweyî komxebate de dîyar kerd ke paradîgmaya Rayberê Şarê Kurdî Abdullah Ocalanî ganî têna seba çareserîya meseleya kurdan nê çareserîya pêro meseleyanê sey meseleya Îrlanda bêra dîyene.

Sey netîceyêka komxebate Înîsîyatîfo Mîyanneteweyî do vera teda û kolonyalîzmî, têkoşînê hemparî de, sendîkayanê Îrlanda reyde hemkarîyêka xurte bikero. Komxebate de dîya zanayene ke kolonyalîzmî ra hem îrlandayîjî hem zî kurdî anî hemkarîye ra hêz peyda bikerê.