Mazlûm Dora gulana 2021î ra nata Zîndanê Stammheimî yê şaristanê Stuttgartî yê Almanya de tepişîyeno. Roniştişê bire yê dewaya vera Dorayî 25ê nîsane de Mehkemeya Berze ya Olga Strasse de ame kerdene.

Serekê mehkeme roniştiş de da zanayene ke 'na dewa dewayêka polîtîk a' û vat: ''Ma sîyasetmedar nîyê û birêka polîtîke nêdanê la birêka huqûqîye danê.''

Serekê mehkeme pare kerd ke eke Mazlûm Dorayî qisey bikerdêne rewî ra ameyêne vera dayêne û bi nê hawayî îtîraf kerd ke ey rê poşmanîye ameya ferzkerdene.

Dadgerê Senatoyê Ceza yê 7. vat: ''Xora ma nêeşkenê fikr û xebatanê to rê tesîr bikerê la eke xebata xo ra poşman bibîyêne heta nika azad bibîyêne.''

Avûkatanê Dorayî ard ziwan ke muzîk, deyîr û çalakîyê ke Dora tewrê ci nîyê çarçewa 'çalakîyanê terorî' de ameyê ercnayene û vat: ''Xebatanê kulturelî çarçewa 129byî de ercnenê û krîmînalîze kenê. Delîlî îdîayan qetî raşt nêkenê.''

Peynî de heyetê mehkeme 'endamîya PKKyî' ra cezaya zîndanî ya 3 serran û 3 mengan daye Dorayî.