Beşdaranê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ra û Akademîsyena Zanîngehê Readingî Dr. Deepa Driver derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Dr. Deepa Driver vera tecrîdî nêrazîbîyayîşê xo mojna û cat: ''Şert û mercê ke Birêz Ocalan tede tepişîyenê, nînan ra teyna Tirkîya ney welatê Konseya Ewropa zî mesuldar ê. Nê şertî mojnenê ke welatê Ewropa derheqê na babete de erkanê xo nêanê ca.''

Dr. Deepa Driver ard ziwan ke tecrîdê Îmraliyî verê çimanê dinya de yeno caardene û vat: ''Îmrali de teyna rayberêk weş û war nêno definkerdene, verê çimanê dinya de edalet zî yeno çinkerdene. Hîrê serrî yo Ocalanî de pêvînayîşêk nêameyo kerdene. No tecrîd yeno manaya definkerdişê edaletî.''

Dr. Deepa Driver dîyar kerd ke Îmrali de tecrîd resayo astêka berze rixmê ney zî dezgehê mîyanneteweyîyî bêveng ê. Dr. Deepa vat: ''Dezgehî qalan kenê la tênêgêrenê. Ma wayîrê zaf organan ê ke qaşo nê girîngîye danê heqanê merdiman. La rixmo ke rewşa Îmraliyî zanenê Konseya Ewropa û dezgehê bînî çira çîyêkî nêkenê? Çima ma weçînayîşan de newe ra raye bidê înan?''