Zanyarê tarîx û ziwanê kurdî, nuştox û sîyasetmedar Dr. Nûrdeddîn Zaza yo ke 1988  bajarê Lozanî yê Swîsre de surgun de dinyayaya xo bedilnaye serê gorê xo de ame yadkerdene.

Yadkerdiş hetê komîsyonê kulturî yê Merkezê Şarê Kurdîstanijanê Demokratîkan ê Lozanî  (CDK-Lozan) ra ame organîzekerdene. Aktîvîte de derheqê xebatanê kultur û ziwanê kurdî yê Nûreddîn Zazayî de zanayîş ame dayene. Reyna derheqê seranê surgînî û xoverdayîş û bawerîya ey ya yewîya kurdan de ame qiseykerdene. Qiseykerdiş de ame vatene ke modelê Swîsre yo ke xeyalê Nûreddîn Zazayî bi ewro Rojawanê Kurdîstanî de yeno caardene. Badê goştarîkerdişê şîîran û hîkayeyanê Zazayî  gorê roşnvîr û sîyasetmedarê kurdî Îsmet Şerîf Vanliyî yo ke eynî goristan de yo ame zîyaretkerdene.

Dr. Nûreddîn Zaza serra 1999î de qezaya Madenî ya Xarpêtî de ame dinya û badê serewedartişê Sêx Seîdî mecbur mend ke Rojawan rê bar bikero. Nûreddîn Zaza  ronayox û sereko verên ê pêroyî yê  Partîya Demokratîke ya Kurdîstanî (PDK-S) bi.