Bajarê Dresdenî yê Almanya de heyetêk bi nameyê aktîvîstanê Defend Kurdîstan û Women Defend Rojava Endama Meclîsê Federelî  Merle Spellerberg dir derheqê hêrişê dewleta tirke yê vera Kurdîstanî de pêvînayîş kerd.

Pêvînayîş de ame waştene ke wa vera hêrişê qirkerdişî û şuxulnayîşê çekanê kîmyewîyan ê yê Tirkîya tewir bêro girewtene. Reyna qedexeyê vera PKKyî û tecrîdê Îmraliyî yo ke 23 serrî yo vera Rayberê Şarê Kurdî Abdullah Ocalanî yeno rayraberdene ame qiseykerdene.

Wextê pêvînayîşî de teber de aktîvîstanê bînan mîtîng viraşt. Aktîvîstan vat: “Gama ke têkoşînê verê DAÎŞî bibi şervanê QSDyî semedê Hewzan û SPD mutefîk bê. La eynî çi ewro Tirkîya ke  endama NATOyî ya kena. Tirkîya vera QSDyî çeteyê ke DAÎŞî re peyde kerdê înan şuxulnena.Heta ke partî û hukmatî na babete de tiway mekerê ma do înan rê zext bikerê. Ma sûcanê rejîmî vînenî û bêvengîya hukmatî eşnawenê.”