Bi vengdayîşê Têgêrayîşê Ciwananê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) çarçewa Hemleya 'Cenga Azadiyê Serbixin' de semedê azadîya Rayberê Şarê Kurdî Abdullah Ocalanî bajarê Dusseldorfî yê Almanya de çalakîye ameye kerdene.

Şaro ke verê DGB Hausî de ame têhet ver bi merkezê bajarî dest pê rayraşîyayîşî kerd. Çalakwanan bi sloganan azadîya Ocalanî waşte û vilawekê almankî vila kerdî. Eşkerayîye de bêvenîya CPTyî ameye şermezarkerdene û semedê wedaritişê tecrîdî ame vengdayene. Badê rayraşîyayîşî îstasyonê trenan ê merkezî de mîtîng ame kerdene. Mîtîng de ame vengdayene ke wa semedê azadîya fîzîkîye ya Abdullah Ocalanî têkoşîn bêro xurtkerdene.