Dusseldorf de çalakîya 'Ocalanî rê azadîye' dest pêkerde
Bajarê Dusseldorfî yê Almanya de semedê azadîya Rayberê Şarê Kurdî Abdullah Ocalanî çalakîya seba 6 rojan dest pêkerde.
Bajarê Dusseldorfî yê Almanya de semedê azadîya Rayberê Şarê Kurdî Abdullah Ocalanî çalakîya seba 6 rojan dest pêkerde.
Bajarê Dusseldorfî yê Almanya de semedê azadîya Rayberê Şarê Kurdî Abdullah Ocalanî çalakîya seba 6 rojan dest pêkerde.
Kurdê ke bajaranê cîya cîyayan ê eyaletê NRWyî ra ameyî verê Parlomentoyê Eyaletî yê Dusseldorfî de ameyî têhet.
Çalakîye bi eşkerayîya çapemenîye ameye destpêkerdene. Hemserekê FED-MEDî Engîn Severî ke tîya qisey kerd ard ziwan ke ê semedê azadîya Rayberê Şarê Kurdî Abdullah Ocalanî bi çalakîya 6 rojan tewrê Hemleya ''Wextê ci yo'' benê. Severî vat: ''Rayber Apo sebebê cuya ma yo. Heta azadîya Rayber Apoyî ma do xeta cuye ya ey de meydanan de bê. Konseptê tasfîyeyî wazeno ke Rayberê ma binê tecrîdî de verdo û kurdan qir bikero. Vera nayî mucadeleyê ma do dewam bikero.''
Wekîla HDPyî ya verêne Nursele Aydogan zî bale ante ser kurdî Abdullah Ocalanî sey îradeyê xo vîneno û vat: ''Birêz Ocalan 22 serrî yo binê tecrîd de yo la fikrê ey dinya ra vila benê. Îqtîdarê AKPyî wazeno pê şerî payra bimano. Wazenê ke komel bimuso tecrîd û pîya biciwiyo la ça beno wa bibo ma nêmusenî û vera tecrîdî mucadeleyî rê dewam kenê.''
Dima vilaweka KON-MEDî ameye wendene. Reyna hunermendanê TEV-ÇANDî Cewad Mervani, Reber Serhad, Lokman û Şirin Şanogerî zî bi deyîranê xo reng da çalakîye.
Roja verêne merkezanê Komelê Demokratîkî, meclîsanê pabesteyanê YJKE û endamê NAV YEK, PYDyî ra 80 kesî tewrê çalakîye bîyî.
Çalakîye roja sêşemeyî do Cornaliusplatz de mabênê saetan 12.00-17.00 de bêro kerdene. Hemserekê KCDK-E Yuksel Koç, sîyasetmedare Besîme Konca û hunermendî Denîz Deman, Alî Îkîzer, Diyar Dersim, Hozan Şemdîn, Serhat Med do tewrê ci bibê.