Paytextê Fransa Paris de semedê azadîya Rayberê Şarê Kurdî Abdullah Ocalanî nobeta azadîye ameye destpêkerdene.

Çalakîya ke verê Parlomentoyê Fransa de yena kerdene do 26ê sibate roja îneyî biqedîyo.

Çalakîye do her roje mabênê saetanê 11.00-16.00 de bêro kerdene û aktîvîteyê cîya cîyayî bêrê kerdene.

Her roje serkêşîya têgêrayîşê kulturî TEV-ÇANDî de do aktîvîteyê goştarîkerdişê muzîkî, pêramotişê erbane û govend do bêrê kerdene.

Necmettîn Demîralî ke bi nameyê CDK-Fî roja verêne ya çalakîye de qisey kerd ard ziwan ke heta azadîya Rayberê Şarê Kurdî  ê do tim meydanan de bî û têkoşîn bikerê û semedê tewrbîyayîşê çalakîye veng da.

Çarçewa plankerdişê çalakîye de nobeta verêne hetê Meclîsê Merkezê Parisî ra ameye girewtene. 23ê sibate de do Meclîsê Villier-le-Belî 24ê sibate de Meclîsê  Drancyî, 25ê sibate de Meclîsê  Evryî û 26ê sibate de  Meclîsê Mantes-la-Jolie ile Creilî do nobete dewr bigerê.