Endamanê koma ANTÎFA şaristanê Bremenî yê Almanya de vera hêrişanê dewleta tirke yê vera Rojawanî bi sloganê 'Rojawanî bipawê' çalakîyêka rayraşîyayîşî kerde.

Çalakîye de venga dewleta Almanya û welatanê bînan ê Yewîya Ewropa ame dayene ke hemkarîya qirkerdişê kurdan û îşxalê Kurdîstanî ra fek vera bidê û pare kerd ke ê tim hetê şarê kurdî de yê.

Endamanê ANTÎFA bi alayanê YPG û YPJyî Wesserdichî ra heta merkezê şaristanî çalakîya xo kerde û vilawekî vila kerdî.

Şaristanê Frankfurtî yê Almanya de zî cinîyan ê enternasyonalîstan verê buroyê partîye yê SPDyî de pê boyaxê sûrî 'hemkarîya bi gonîye' nuşt. Cinîyan ê enternasyonalîstan bi nê hawayî pêvînayîşê Suleyman Soylu û Wezîra Karanê Zereyî ya Almanya Nancy Feaser protesto kerd. Wina pawîyeno ke pêvînayîş ewro bêro kerdene.

Cinîyan buroyî ser de 'SPD bi Erdoganî têgêreno û Kurdîstan de qirkerdiş yeno kerdene' nuşt. Cinîyan dima eşkerayîyêke daye û hêrişê vera Rojawanî şermezar kerdî.