Malayanê Komelê Îslamî yê Kurdîstanî (CÎK) Fransa de xutbeyanê roja îneyî de hêrişê kîmyewî yê vera gerîlayan şermezar kerdî. Malayan xutbeyanê xo de vat: ''Ma şarê kurdî yê misilmanî bi serran o destê dewleta tirke de yenê qetilkerdene. Nê prosesî de ke wazenê her parçeyanê Kurdîstanî de domananê kurdan qetil bikerê.''

Malayan vateyê Hz. Mihemedî 'Ne zulmî bikerê ne zî vera zulmî bêveng bimanê' vist vîrî û ard ziwan ke kam beno wa bibo ganî vera zulmî bêvengîye nêba. 

Malayan vat: ''Hêrişê kîmyewî barbarî yê. Qet yew dîn, bawerî ney qebul nêkeno. Ganî ma vera zulmî têbigêrê. Seke Hz. Îsayî vato 'Eke şima zulmî nêvindarna qet nêbo derûdorê xo de bidê eşnawitene.' Ma sey CÎKî nê hêrişan şermezar kenê. Misilmanê duristî ganî vera nê hêrişan hetê gerîlayan de cabigêrê û vera zulmê dewleta tirke vinderê. Ma sey CÎKî venga pêro şarê xo danê ke vera barbarîye pîya têkoşîn bikero.''

Camîyan de malayan venga her kesî da ke tewrê çalakîya Roja Kobanê ya Dinya bibo.