Îdarekarê Enstîtuyê Kurdkî yê Dusseldorfî mamosta Fêrgîn Melîk Aykoçî derheqê ziwanê kurdkî de semîner da.

Semîner hetê Komeleya Kurdan ra amebi serûberkerdene û 32 kesî tewrê ci bîyî. Semîner di beşan ra ame meydan. Beşê yewinî de qala ziwanî ameye kerdene û beşê diyînî de zî pers û cewabî ameyî dayene.

Îdarekarê Enstîtuyê Kurdkî mamosta Fêrgîn Melîk Aykoçî semîner de qaşa tarîxê ziwanî û tesîrê ziwanî kerde. Aykoçî vat: ''Ziwan têna hacetê têkilîye nê bingeyê neteweyan o.''

Mamosta Aykoçî behsê rolê ziwanî yê psîkolojîye ser, bawerîyan de girîngîra ziwan, averşîyayîşê domanan de rolê ziwanî, dibistanan de rolê ziwanê dayîke, warê sosyolojîk, kultur û ekonomî de rolê ziwanî kerd.

Semînerî ra dima beşdaran waşt ke semînerê winasênî wa dewam bikerê.