Paytextê Swîsre Bern de enternasyonalîstan vengdayîşê Komîteya Rojava ser o hêrşê îşxalî yê dewleta tirke û Îranî protesto kerdî. Enternasyonalîstî ver bi Kuçeyê Lombagwegî şîyî ke tede Sersefîrîyê Tirkîya, Îran û Iraqî est ê.  

Rixmê xîretê astengkerdişê polîsan zî enternasyonalîstan bi wesîleya serrgêra 44. ya ronîyayîşê PKKyî mesajî dayî û balonî pernayî. Dima verê Sersefîrîya Iraqî de bi pankartanê serê hêrişanê kîmyewîyan ê vera Başûrî sloganî vatî.

Dima verê Sersefîrîya Îranî de qiseykerdiş ame kerdene û wina ame vatene: ''Pawitişê Rojawan, Rojhelat, Başûr û Vakurî asta serkewtişî ya têkoşînê enternasyonalîstan a. Ma do wayîrê têkoşînê çar parçeyanê Kurdîstanî vejîyê.''

Çalakîye bi sloganan qedîyaye.