Enternasyonalîstê Swîsre: Paştî bidê şarê Rojawanî!

Kampanyaya 'Ma nika pîya têbigêrê' ya RiseUp4Rojava vera hêrişanê îşxalî yê dewleta tirke Cenevre û Luzernî de dest pêkerd.

Şaristanê Cenevre û Luzernî yê Swîsre de bi paştdayîşê Komîteya Rojawanî, serkêşîya enternasyonalîstan de Kampanyaya 'Ma nika pîya têbigêrê' ya RiseUp4Rojava dîyaye destpêkerdene.

Cenevre de enternasyonalîstan û ciwananê kurdan pîya mîtîngêk kerd. Dima Komîteya Rojawanî ser o eşkerayîyêke ameye dayene û venga her kesî ame dayene ke wa vera hêrişan hetê kurdan de cabigêro.

Luzern de zî çalakîye de pê sloganan wayîrê xoverdayîşê Rojawanî ame vejîyayene. Çalakîye de bale ameye antene xoverdayîşê Rojawan, Rojhelat û Herêmanê Pawitişî yê Medya ser û wina ame vatene: ''Şima kamca de benê wa bibê paştî bidê şarê Rojawanî.''