Paytextê Armenîstanî Erîvan de bi şîarê ''Newroza Azadîya Rayber Apoyî'' şayîya Newroze ameye kerdene. Salona şayîye bi fotografanê Rayberê Şarê Kurdî Abdullah Ocalanî û şehîdan xemilîyaye. 

Şayîye de sloganê sey “Bê Serok jiyan nabe”, “Bijî Serok Apo”, “Jin, Jiyan, Azadî” û “Şehîd namirin” ameyî vatene. Şayîye de mesahê Endamê Komîteya Rayberdişî ya PKKyî Murat Karayilanî ame mojnayene.

Wekîlê Armenîstanî Kinyas Hesenovî şayîye de pare kerd ke Newroze roşanê kurdan û Abdullah Ocalanî yo. Hesenovî mesajê Newroze yê Serekwezîrê Armenîstanî wend.

Hemserekê Komîteya Kurdîstanî Silo Dirboyanî û Endama Yewîya Cinîyan ê Azadan Seyrane Celad zî şayîye de qisey kerd û îfade kerd ke kurdî qetî xoverdayîşê xo de do ser bikewê.

Qiseykerdişan ra dima hunermendî Hozan Axîn, Zagros Rojhilat, Dengbêj Hesen û Dengbêj Yûra vejîyayî sehne ser. Şayîye bi govendan qedîyaye.