Fransa ra heta Yunanîstan, Qralîyetê Yewbîyayî, Belçîka, Îspanya germ do Ewropa bido verê xo. Pêlê hewayê germî yo ke Magrep û Îspanya ra yeno, destpêkê nê hewteyî de do heme qita bido verê xo û mîyanê hewteyî de germ bireso sewîyeya tewr zêdeye.

Pisporî vanê merdimî wa zêdetir awe bişimê, zêde xo nêdê verê tîje, kremê tîje bisawê xo ra û bi şewe wexto ke hewa bi honik ber û pencerayan a bikerê ke keyeyî hewa bigêrê.

Fransa do zaf germ biba, yeno pawitene ke Yewşeme germ bibo 30 derceyan, teberê herêma Bretonya welat de germ do bireso 40 dereceyan.

Hetê bînî ra yeno pawitene ke Belçîka de germ do bireso 34-35 derceyan, Swêd de roja Sêşeme bireso 36 û Çarşeme zî bireso 37 dereceyan.

Îspanya vera germê zêdeyî ‘alarmo zerd’ da û yeno pawitene ke xeylî cayan de germ 36 dereyan derbaz bikero.

Qralîyetê Yewbîyayan de zî Yewşeme ra heta Sêşeme beno ke firtine werzo û Yunanîstan de zî germ do bireso 39 dereceyan.