Şaristananê cîya-cîyayan ê Ewropa de kurdan û dostanê înan pê çalakîyan Komployo Mîyanneteweyî yê 9ê Teşrîna Verêne yê vera Rayberê Şarê Kurdî Abdullah Ocalanî şermezar kerd.

Bi hezaran kesan bi şîarê 'Azadîya Rayber Apoyî azadîya ma ya' çalakîyî kerdî û waşt ke Rayberê Şarê Kurdî wa cade azad bibo. Çalakîyan de sîstemê tecrîd û îşkenceyî yê Îmraliyî ame protestokerdene. Çalakîkeran fotografê Rayberê Şarê Kurdî akerdî, sloganê 'Biji Serok Apo', 'Rayber Apoyî rê azadîye', 'Bê serek cuye nêbena' vatî û pankartî kiriştî. Reyna çalakîyan de sloganê 'jin, jiyan, azadî' zî vejîya vernî.

Qiseykerdişan de ame vîrvistene ke Abdullah Ocalanî ra 19 mengî yo xebere nêna girewtene û bale ameye antene ser ke CPTyî rixmo ke Îmrali zîyaret kerd raporê xo eşkera nêkerdo. Çalakîkeran venga CPTyî da ke wa cade raporê xo eşkera bikero. Qiseykerdişan de veng dîya ke tecrîd wa bêro wedaritene û pêvînayîşê bi keye û avûkatan bêrê kerdene. Çalakîyan de xoverdayîşê gerîlayan û xoverdayîşê Rojhelatê Kurdîstanî û Îranî zî ameyî selamkerdene. Çalakîyan de Jîna Emînî û Nagîhane Akarsel zî ameyî yadkerdene.

Kopenhag

Bern

Paris

Marsilya

Amsterdam

Rennes

Viyana

Oslo

Roma