Xeylêk şaristananê Ewropa de rojbîyayîşê Rayberê Şarê Kurdî Abdullah Ocalanî bi aktîvîteyan ame fîrazkerdene. Aktîvîteyan de pankartê sey ''Rojbîyayîşê to rojbîyayîşê ma yo'' ameyî akerdene û sloganê sey ''Bê Serok Jiyan Nabe'' ameyî vatene.
Xeylêk şaristananê Ewropa de rojbîyayîşo 75in ê Rayberê Şarê Kurdî Abdullah Ocalanî bi aktîvîteyanê cîya-cîyayan ame fîrazkerdene.
Aktîvîteyan de serkêşîya cinî û ciwanan de leyî ameyî ronayene, kombîyayîşê şarî ameyî kerdene, semînerî ameyî dayene û kitabanê Ocalanî ra pasajî ameyî wendene. Aktîvîte û şayîyan de qalê cuya Rayberê Şarê Kurdî û têkoşînê ci ameyî kerdene.
Xeylêk kesî tewrê fîrazkerdişan bîyî. Aktîvîteyan de pankartê sey ''Rojbîyayîşê to rojbîyayîşê ma yo'' ameyî akerdene, sloganê sey ''Bijî Serok Apo'', ''Bê Serok Jiyan Nabe'' ameyî vatene, fotografê Rayberê Şarê Kurdî ameyî akerdene, deyîrî ameyî vatene û govende ameye girewtene.
Qiseykerdişan de bale ameye antene ser ke Rayberê Şarê Kurdî 25 serrî yo yeno tecrîdkerdene û hinî wextê ci ameyo ke o bêro azadkerdene.
Hannover
Hamburg
Heilbronn
Stuttgart
Kassel
Saarbrucken
Dusseldorf
Paris
Aargau
Winterthur
Luzern
Atîna
Berlin
Marsilya
