Şaristananê Zurihê Swîsre, Stockholmê Swêdî, Duisburgê Almanya û Parisê Fransa de şehîdî ameyî yadkerdene.

Zurich

Endama Komîteya Rayberdişî ya KJKyî Leyla Agirî (Fîlîze Aslan)a ke menga hezîrana 2020î de Herêmanê Pawitişî yê Medya de hêrişêkê hewayî yê dewleta tirke de şehîd bîye û Fermandarê PKKyî Abdulrahman Hemo (Dozdar Hemo)yo ke teşrîna peyêne ya 2019î de Herêmanê Pawitişî yê Medya de hêrişêkê hewayî de şehîd bi, şaristanê Zurihî yê Swîsre de bi merasîmêk ameyî yadkerdene.

Merasîm de temsîlkara PYDyî ya Ewropa Zozane Dêrik qisey kerd û vat: ''Leyla Agirî ewro û Sakîne Cansize vizê bîyî rayberê têkoşînê ma. Ma do wayîrê înan vejîyê û deynê xo bidê.'' 

Merasîm de sînevîzyonêk ame mojnayene. Merasîm bi sloganê 'Şehidî nêmirenî' qedîya.

Stockholm

Şaristanê Stockholmî yê Swêdî de Leyla Agirî, Dozdar Hemo, gerîlayê HPGyî Rûhale Amûdê, Delîl Herekol û Şervan Botan bi merasîmêkî ameyî yadkerdene.

Merasîm de Hemserekê Kongra-Gelî Remzî Kartalî qisey kerd û vat: ''Wa bala şima xoverdayîşê şehîdan ser o be. Şehîdan hîs bikerê. No do serkewtiş bîyaro ca.''

Merasîm de derheqê şehîdan de sînevîzyonêk ame mojnayene û pê sloganê 'Şehîdî nêmirenî' û 'Biciwîyo Seek Apo' merasîm qedîya.

Paris

Paytextê Fransa Paris de şerwanê MLKP/FESKî Koray Îspîr bi merasîmêkî ame yadkerdene. 

Temsîlkarê MLKPyî merasîm de qisey kerd û vat: ''Embaz Koray sey nîşaneyê şorişî do şoriş û têkoşînê ma yê sosyalîzmî de biciwîyo û adirê têkoşînê şorişgêrî yê Dengizê Reşî do nêvindero.''

Merasîm bi mojnayîşê sînevîzyonî qedîya.

Duisburg

Şerwanê MLKP/FESKî Koray Aspîr û 4 gerîlayê HPGyî şaristanê Duisburgî yê Almanyan de Merkezê Komelê Demokratîkî yê Kurdan de ameyî yadkerdene.

Merasîmî bi deqayêkê rêzgirewtişî û sînevîzyonî dest pêkerd. Dima eşkerayîya Heyetê Merkezî yê MLKPyî ameye wendene. KOMAWî ser o qiseykerdiş ame kerdene û xoverdayoxan rê selam ame kerdene.

Merasîm bi sloganê 'Şehîdî nêmirenî' qedîya.