Faraşîne Asmîna 8 serre ya ke Fransa de keyeyêkê welatperwerî de dadîya xo ra bîya, gerîlayan rê kartêka dîyarîye şawite.

Faraşîne karte ser o resimêk xêz kerd, vililêk kerd zereyê ci û xercîya xo ya dibistane 100 euro tede şawite. Faraşîne karte ser o zî wina nuşt: ''Embazêne ez şima ra zaf hes kena; bi nê pereyî şima xo rê lapikan bihêrînê.''

Dima ke dîyarîya aye resaye gerîlayan destî Fermandarê Qerargehê Merkezê Pawitişê Şarî Murat Karayilanî seba Faraşîne mektûbêke nuşte.

Murat Karayilanî mektube de ard ziwan ke dîyarîya aye resaya înan û na dîyarî gerîlayan rê bîya moral. Karayilanî vat ke ê do bi nê pereyî gerîlayan rê lapikan bihêrînê, resimê aye zî bikerê mîyanê arşîvê HPGyî.

Karayilanî mektube de vat: ''Embaza min a ercîyaye, kênaya rinde ya kurde. Gerîlayanê cinîyan ê ciwanan to rê tay dîyarîyî amade kerdê û şawitê. Selamê gerîlayanê ma ti biresne pêro ciwan û domananê kurdan ê Fransa.''