Bajarê Duisburgî yê Almanya de semedê yadkerdişê Zulkuf Gezen, Aytene Becet, Mahsum Pamay, Ugur Şakar, Zehra Saglam, Siraç Yuksek, Medya Çinar, Umit Acar, Yonca Akici û Enver Çelikî yê ke mabênê teşrîna peyên a 2018 û gulana 2019î de semedê protestokerdişê tecrîdê serê Rayberê Şarê Kurdî Abdullah Ocalanî şehîd bîyî, aktîvîteyêke ameye organîzekerdene.

Aktîvîteya ke hetê Merkezê Komelê Demokratîkî yê Kurdan ra ameye organîzekerdene temsîlkarê Komeleya Keyeyanê Şehîdan(KOMAW), merdimê şehîdan û xeylêk kesî tewrê ci bîyî.

Badê rêzgirewtişî bi nameyê temîslkaranê KOMAW û DKTMyî qiseykerdişî ameyî kerdene. Dima ra bi nameyê Têgêrayîşê Cinîyan ê Kurdan ê Ewropa Nûda Amed qisey kerd. Amede bale ante tecrîdê giranî yê serê Abdullah Ocalanî ser û vat înanê ke çalakîya fedaîye kerde do tarîxê têkoşînî yê Kurdîstanî de bi mînetê pîlî bêrê vîrardene.