Fermandaranê Qerargehê Merkezî yê YJA-Starî ra Şerda Mazlûm Gabar protestoyê Qirkerdişê Parisî rê mesajê bi vîdeoyî şawit.

Mesaj wina yo:

''Ez verî şexsê embaze Sara de embaze Ronahî û Rojbîne, şexsê embaze Evîne Goyî de Mîr Perwer û Abdurrahman Kizilî, 11 gerîlayanê ma yê ke hêrişanê kîmyewîyan de şehîd bîyê bi rêzdarî yad kena. Ma soz danê ke qesasê înan bigêrê.

Qirkerdişê Parisî yê 9ê Çeleyê 2013î de ronayoxa partîya ma embaze Sara amebî hedefkerdene. Pêro cuya aye pê têkoşînî derbaz bîye. Rayberîya ma zî Qirkerdişê Parisî yo Yewin sey Terteleyê Dêrsimî yê diyînî pênase kerd. Çunke dişmen polîtîkaya xo ya qirkerdişê kurdan rê dewam keno. Embaze Sara nasnameyê cinîya kurde ya azade bîye. Bi Qirkerdişê Parisî yê 9ê Çeleyî o çax MÎT û dewleta tirke waşt ke mesaj bidê têgêrayîşê ma. La Rayberîya ma, gerîlayanê ma û şarî pê xoverdayîşî cewab da hêrişanê înan.

Şarê ma ganî bingeyê Şerê Şarî yê Şorişgêrî de, têkoşînê xo welat de û teberê welatî de berz bikero. Dewleta tirke her ca de şarê kurdî û cinîyan ê kurdan kena hedef. Embaze Evîne Goyî zî Paris de wina ameye hedefkerdene. Nê hêzê serdestî ganî bizanê ke ma hêzê pawitişê şarê xo yê. Ma do destanê înan ê gemarinan bişiknê. Wa şarê ma bizano ke YJA-Star peyê înan de yo. Heta ke qesasê embazanê xo bigêrê ma bi tehetî nêkewê ra. Şarê ma wa naye ra pey zî xoverdayîşê xo rê dewam bikero, heta ke Qirkerdişê Parisî yo yewin û diyîn bêro roşnîkerdene wa ranêkewo.

Hukmatê Fransa şirîkîya sûcanê dewleta tirke keno. Ganî hukmatê Fransa nê qirkerdişî roşnî bikero.

Şarê ma heta ke nê komployî bêrê roşnîkerdene bi ruhê Zap, Avaşîn û Metîna Paris de kuçeyan debikero. Dişmen seba ke qirkerdişê kurdan rê dewam bikero wazeno PKKyî tasfîye bikero. Coka ganî ma her wextî ra zafêr wayîrê Rayberîya xo vejîyê. Ewro ewladê şarê ma pê hêrişanê kîmyewîyan yenê qetilkerdene. La ê se kenê wa bikerê ma do têkoşînî ra fek vera medê.

Ma nê rayîrê serfîrazîye de şarê ma yê Ewropa û şarê ma yê welatî rê serkewtiş wazenê. Bijî Serok Apo! Bijî berxwedana gelê me! Jin jiyan azadî! "