Festîvala Fusionî ya Larze ya Almanya de 20 hezar alayê YPG û YPJyî amey akerdene û Şorişê Rojawanî ame selamkerdene.

Şorişê Rojawanî morê xo da binê festîvale. Goreyê organîzatoran nêzdîyê 70 hezar kesî tewrê festîvale bîyî. Seba ke serrgêra Şorişê Rojawanî yê 19ê Temmuze bena nêzdî festîvale de 20 hezar alayê YPG û YPJyî ameyî akerdene.

Paştgîrê na kampanya rêxistina Interventionistische Linke (Çepa Şoreşgêre-IL) a. Rêxistine bi eşkerayîyêke vist vîrî ke nika Şorişê Rojawanî rê gefî yenê werdene û Şorişê Rojawanî rê sipas ame kerdene.