Festîvala Kulturê Kurdan a Şehîd Sînan Dêrsimî bi şîarê ''Rayber Apoyî rê Azadîye, Kurdîstanî rê Statu'' şaristanê Marsilya yê Fransa de ameye kerdene. Kurdîstanîjan û dostanê înan eleqeyêko pîl mojna festîvale.

Warê festîvale bi alayanê PKKyî, fotografê serkêşanê PKKyî û pankartan ame xemilnayene.

Hêverî Hemserekanê Meclîsê Şarê Kurdî beşdarî selam kerdî. 

Senatotê fransizî Xavier Lacovelliyî, Temsîlkara Şaredarîya Marsilya Christine Juste, Wekîlê verênî Saîd Ahamadayî û temsîlkaranê Kolectif Solidarite Kurdistanî zî çalakîye de mesajê ''Seba azadîya Ocalanî û statutê Krudîstanî ma hetê şima de yê'' da.

Endamê Konseya Rayberdişî ya KCKyî Zubeyîr Aydarî bale ante sîstemê qirkerdiş, tecrîd, îşkenceyê vera Rayberê Şarê Kurdî ser. Aydarî vat: ''Vera Rayber Apoyî tecrîdêko giran est o. Bêrê ma pîya hemleya Azadîye xurtêr bikerê.''

Meclîsa Jinan a Arîn Mîrkan, TCŞ Marsîlya, TEV-ÇAND, CÎKî festîvale de standê xo akerdî.

Hunermendê TEV-ÇANDî Hozan Diyar, Beser Şahîn, Şehrîbana Kurdî, Şiyar Sîpan, Îbrahîm Qamişlo û Silêman Çelîk zî festîvale de vejîyayî sehne ser.

Festîvale bi slogananê sey "Bijî Serok Apo", "Bê Serok jiyan nabe" û "Jin Jiyan Azadî" qedîyaye.