Bajarê Leverkursenî yê Almanya de Festîvala  Cinîyan a Zîlane ya 19. ameye organîzekerdene. Festîvale bi şîarê " Bi Jin Jîyan Azadî Cinîyan Bipawê" ameye kerdene şehîdan ê cinîyan ê Kurdîstanî rê ameye dîyarîkerdene. 

Hollanda, Almanya û Belçîka ra xeylê cinîyî tewrê festivale bîyî. Stadyûmê Ostermann Arena bi pankartê "Jiyan bi jine destpedike", flamayanê TJK-E, fotografê şehîdan ê cinîyan û Rayber Apyî ame xemilnayene. Warê Festîvale de pankertê "Azadîya Rêber Apo, Azadîya Gelê Kurde" ame daliqnayene.

Festivale de standê keda destê cinîyan, werdê kurdan û kitaban ameyî akerdene. Cinîyan ê kurdan bi kincanê xo yê renginan ê herêmî warê festivale neqişna. Badê rêzgirewtişî programê festivale bi slogana "Jin Jiyan Azadî" dest pêkerd.Festivale de sloganê "Bijî Serok Apo" û "Jin Jîyan Azadî" ameyî vatene.

Temsîlkara KJARî Meryeme Rojhilata ke qiseykerdişê akerdişî kerd, ard ziwan ke pêkewtişê mabênê Îran û Îsraîlî semedê şarê Rojhelatî tehdîto gird o û vat paradîgmaya Rayber Apoyî modelê çareserî yê Rojhelatê Mîyanênî yo. Dima Şaredarê Leverkusenî Uwe Richartî û hetkaranê şaredarî Zohre Demirci, Naima Azemmat û Fatma Kesikol qiseykerdişêk kerd. Festîvale de bi nameye Têkoşînê Azadîye yê Neteweyî ê Belluci qiseykerdişê ame kerdene û mesajê paştdayîşî yê Cinîyan Elewîyan ê Sûrîye ame wendene.

Hunermendan Berfîne Mamedova, Sosine, Nûarîne, Binevşe Ciziri, Zinê Botanî, Ozgur Işik zî bi deyîranê xo reng da festivale. Grûba govende ya TEV-ÇANDî û dengbejan zî zaf eleqeya serykerdoxan ate xo ser. Kincanê renginan ê cinîyan, gonvende û slogananê bicoşan ê cinîyan heyeta festivale açarnaye meydanê azadîye.