Festîvala Féte de L'Humanite Bretagne ya ke Partîya Komunîste ya Fransa (PCF) serûber kerde, Lanester de ameye kerdene. Festîvale de Rêxistina Qedexekerdişê Çekanê Kîmyewîyan (OPCW), Neteweyê Yewbîyayeyî (NY) û NATO ameyî şermezarkerdene ke vera hêrişanê dewleta tirke bêveng ê. 

Festîvale de dezgehan û kurdîstanijan standî akerdî, komanê muzîkî yê herêmîyan û dostanê kurdan zî paştî daye kurdan. Kurdîstanijan tîya de vilawekî vila kerdî û vera qedexeyê serê PKKyî îmzayî arê dayî.

Sekreterê Beşê 56. yê MJCFyî Alexandre Raultî vat ke hêrişê kîmyewî yê dewleta tirke ganî cade bêrê vindarnayene û dewleta tirke bêra muhakemekerdene. Raultî vat: ''Ma sey komunîstan destekê kurdan rê dewam bikerê.''

Sekreterê beşê Lorientî yê Partîya Komunîste ya Fransa (PCF) Dr. Boris Camposî zî waşt ke wa heyetêko xoser herême de hêrişanê kîmyewîyan ser o cigêrayîş bikero.

Endamê Meclîsê Şaredarîya Insoumis a li Lanesterî û lîderê Yewîya Şarî  Alexandre Scheuerî vist vîrî ke 17 gerîlayê HPGyî hêrişanê kîmyewîyan de ameyê qetilkerdene û vat: ''Şarê kurdî vera DAÎŞo ke Tirkîya paştî dayêne ci, şer lerd. Nika kurdan rê qirkerdiş yeno ferzkerdene. Ma nêeşkenê vera ney bêveng bimanê. Wa peynîya rejîmê Erdoganî bêra ardene.''

Festîvala Féte de L'Humanite Bretagne de nuştoxanê kurdan Maha Hassan û Îsmael Dûpont romanê xo "Femmes d' Alep" (Cinîyê Helebî) îmza kerd, da şinasnayene û beşdarê konferansî bîyî.

Festîvale de krîzo ekonomîk û polîtîkayê ekonomî yê Fransa ameyî ercnayene.

Festîvale bi muzîkî qedîyaye.