Bajarê Frankfurtî yê Almanya de verê mehkemeya ke çeteyê DAÎŞî ke tewrê qirkerdişê êzidîyan bîyî, tede  yenê hukmkerdene de çalakîyêke ameye kerdene.

Vera tewirê mehkeme serkeşîya Women Defend Rojava Frankfurtî de çalakîyêke ameye organîzekerdene. Mîtîngo ke Meclîsê Cinîyan ê Kurdan ê Amara, enternasyonalîstî û JXK  tewrê ci bîyî rê eleqedarîya pîle estbî. Mîtîng de bi nameyê têgêrayîşê cinîyan ê kurdan mesajêk ame wendene. Peynîya mîtîngî de 74 balonî sey sembolê fermanî pîya bi beyraqa YPJyî ameyî firdayene.