Şaristanê Frankfurtî yê Almanya de bi rayberîya DKYMyî serrgêra ronayîşê PKKyî ameye fîrazkerdene.

Salona Saalbau Grîesheîmî de bi seyan kesî tewrê fîrazkerdişî  bîyî.Nameyê Komîteya Amadekarîye ser o Mustafa Pazarcikî qisey kerd û vat: "Sere de Rayber Apo ma pêro şerwananê azadîye yê ke ma resnayî nê rojan rê selam kenê. Ewro şerwanî cepheyan de vera dişmenan bi ruhê Kemal, Xeyrî û Egîdan xo ver danê. Ma do alaya nê têkoşînê rûmetênî heta peyêne berz bikê." Nameyê KCDK-E ser o zî Baran Munzurî qisey kerd û vat: "Tevgêrayîşê PKKyî reya verêne sey tevgêrayîşêkê 'grûbêke' ame hesibnayene la ewro no tevgêrayîş xo resneno bi mîlyonan kesan."  Temsîlkarêkê Partîya Çepe vat: "Ganî ma Xoverdayîşê Rojawanî ra wayîr bivejîyê." Azad Bedran, Hozan Seyîdxan, Silbus û Tarî bi deyîran tewrê şewe bîyî. Şewa fîrazkerdişî de sînevîzyonêk zî ame mojnayene.