Fransa de 27ê hezîrane de domanêko cezayîrij hetê polîsêkî ra amebi kiştene. Naye ra dima serebûtanê şîdetî û nawnayîşan dest pêkerd.

Şewa şeşine de zî Fransa de 45 hezar cendirme û polîsî ameyî wezîfedarkerdene. Goreyê eşkerayîya Wezîrîya Karanê Zereyî mîyanê şewe de 157 kesî ameyî destbendkerdene. Serê rayîrê umûmîye de 352 cayî dîyayî adirî ver, 297 wesayîtî û 34 bînayî ameyî vêşnayene.

Paris de fîşekî erzîyayî bînaya mehkeme ser. Vera qereqolê polîs û cendirmeyan zî 250 hêrişî ameyî kerdene û tewr tay 700 endamê hêzanê asayîşî birîndar bîyî. Şewa şeşine de tewr  tay 3 hezar û 354 kesî ameyî destbendkerdene.

Hetê bînî ra raştgîran seba polîsê kiştoxî 800 hezar euro arê da ke bidê keyeyê ey. No tewir sey 'xelata kişîyayîşê ereban' ame dîyene û raştê nêrazîbîyayîşan ame. Serebûtan ra dima Fransa de faşîzm û nîjadperestîye zî zêdîyayî.