Şaristananê Toulouse û Parisî yê Fransa de ciwananê kurdan pê çalakîyan hêrişê îşxalî yê dewleta tirke protesto kerdî.

Endamanê Têgêrayîşê Ciwananê Şorişgêran (TCŞ) şaristanê Toulouse yê Fransa de verê Meydanê Teyarayan de vera îşxalî pankartî akerdî, alayê PKK û YBŞyî berz kerdî û sloganê 'Ma Kurdîstanî bipawê' vat. Ciwanan da zanayene ke dewleta tirke vera gerîlayan çeka kîmyewîye şuxilnena. Ciwanan bale ante hêrişanê Şingalî ser zî û venga her kesî da ke têkoşînî berz bikero.

Banlîyoyê Villiers Le Belî yê Parisî de serkêşîya TCŞyî de ciwanan  bi çalakîyêke hêrişî şermezar kerdî û vat: ''Ma ça de benê bibê do meydanan de bibê.''