Qesra Elysee de kombîyayîşê Konseya Asayîşî ra dima Wezîrê Weşîye Olivier Veranî eşkerayîyêke daye û vat: ''Asta neteweyîye de nawnayîşê ke hezaran ra zêdêr kesî tewrê ci benê nika ra pey qedexe yê.''

Heta nika nawnayîşê ke bi beşdarîya 5 hezar kesan do bêrê kerdene qedexe bîyî. Naye ra zî zaf çalakîyî ameyî batalkerdene. Înan ra yew zî fuarê kitaban bi ke mabênê 20-23ê adare de bi.Goreyê qerarnameyî ke roja şemeyî ame îmzakerdene wextê qedexeyî 31ê adare ra heta 15ê nîsane ame dergkerdene. Yeno pawitene ke bira seba Lîgê Şampîyonan û turnuvaya Six Nations zî bêra caardene. Vîrusê Korona yo ke Çîn de vejîya meydan û bi desan welatan de vika bi, Fransa de 1209 kesî pê kewtî û 13 kesî tira merdî.