Roja sêşemeyî domanê bi nameyê Nahel M. (17) banlîyoyê Nanterre yê Parisî de wexto ke wesayîtî ramitêne hetê polîsan ra ame vindarnayene û bi bahaneya ke goş nêdayo hişyarîye ame kiştene. Polîs ame destbendkerdene la serebûtê şîdet û protestoyî pêro welatî rê vila benê.

Herêma Paris, Lyon, Toulous û vakurê Fransa sere de banlîyoyan de vizêr şewe şer qewimîya, serebûtê vêşnayîşî bîyî. Goreyê Wezîrîya Karanê Zereyî 150 kesî ameyê destbendkerdene.

Serekkomarê Fransa Emmanûel Macronî venga hucreyê krîzî yê wezîrîye da ke cade kom bibo. Wezîrê Karanê Zereyî Gerald Darmaninî ard ziwan ke bînayê umûmîye ameyê vêşnayene û raştê hêrişî ameyê.

Clamart de zî tramvayêke ameye vêşnayene. Lile, Roubaix, Mons-en-Baroeul û Valenciennes de zî bînayê umûmîye ameyî vêşnayene. Wina vajîyeno ke zerarêko pîl est o.