Fransa de 27ê hezîrane de domanêko cezayîrij o 17 serre hetê polîsêkî ra amebi qetilkerdene. Naye ra dima Fransa de serebûtê şîdetî û nawnayîşê şermezarkerdişî dest pêkerd. Cenazaya doman Nahel M. roja şemeyî banlîyoyê Nanterre yê Parisî de ameye definkerdene.

Vizêr zî roja ppancine de çalakîyan dewam kerd.

Goreyê Wezîrîya Karanê Zereyî ya Fransa vizêr tewr tay 719 kesî ameyî destbendkerdene û serebûtê vêşnayîşî reyna qewimîyayî. 

Rennes de mabênê polîsan û çalakîkeran de şer qewimîya. 

Vizêr serebûtan de 45 endamê hêzanê asayîşî birîndar bîyî û şewa bîne zî 79 kesî birîndar bibî.

Serebûtan de 871 vêşnayîşî qewimîyayî, 577 wesayît û 74 bînayî ameyî vêşnayene. Çalakîkeran hêrişê 10 qereqolan û 6 noqtayanê polîsan kerd.

Serewedaritişê Fransa vilayê Swîsre zî bi. Lozan de serebûtê şîdetî û talanî qewimîyayî.