Wezîrê Pawitişî yê Fransa Sebastian Lecornuyî pêvînayîşê bi Wezîrê Pawitişî yê Tirkîya Hulusî Akarî ra dima eşkerayîyêke daye. Pêvînayîş hêrişanê vera Rojawanî ra 10 rojan dima qewimîya.

Sebastian Lecornuyî eşkerayîye de vat ke ê hêrişanê dewleta tirke ra 'qerqilîyenê', hêrişê hewayî 'alozîyan zêdînenê û îstîkrarê herême tehdît kenê.' Wezîr Sebastian Lecornuyî vat: ''Hêrişê dewleta tirke asayîşê xebatkaranê Koalîsyonê Mîyanneteweyî yê Rojawanî visnenê binê tehlukeyî.''

Sebastian Lecornuyî dîyar kerd ke hêrişan ra cergê DAÎŞî firsendê remayîşî vînenê.

Roja çarşemeyî zî Wezîrê Pawitişî yê Amerîka Llyod Austinî derheqê hêrişanê Tirkîya de vat ke 'ê hêrişan ra qerqilîyenê.'