Wezaretê Pawitişî yê Fransa bi eşkerayîyêke pare kerd ke di teyarayê şerî yê Rafalî do şorê Gîrît û 'çend rojan' uca de bimanê. Nê teyarayî verê cû dişemeyî ra heta çarşemeyî Qibris de ameyî cakerdene. Reyna keştîya Fransa ya bi nameyê Tonerre zî heman rojan Yunanîstan reyde Dengizê Sipî de 'keşîf' kerd.

Wezaretê Pawitişî yê Fransa îfade kerd ke nê têgêrayîşê înan seba hêzkerdişê meşrûtîyetê înan o.

Alozîye ra verî Serekkomarê Fransa Emmanuel Macronî zî roja çarşemeyî bi eşkerayîyêke waşt ke Dengizê Sipî de Tirkîya wa peynîya xebatanê xo bîyara.

Macronî vat: ''Rewşa Dengizê Sipî qerqilnena. Têgêrayîşê dewleta tirke yê seba petrolî beno sebebê alozîyan. Ganî na alozîye bi dîyalogan bêra çareserkerdene. Mi bire daye ke Dengizê Sipî de estbîyayîşê leşkerî yê Fransa hêzêr bikera.''