Fransa û Almanya de vera tecrîdê serê Rayberê Şarê Kurdî Abdullah Ocalanî kombîyayîşê şarî ameyî kerdene.

Şaristanê Parisî, Creteil û Rennesî yê Fransa de kombîyayîşê şarî ameyî kerdene. Kombîyayîşan de têkoşînê vera tecrîdê Îmraliyî ame nîqaşkerdene. Kombîyayîşan de dîya zanayene ke serrgêra Komployê Mîyanneteweyî de xeylêk merkezan de rayraşîyayîşî do bêrê kerdene. Qiseykerdişan de venga pêro kurdîstanijan dîya ke 7ê êlule de saete 14.00 de Paris de tewrê rayraşîyayîşî bibê. Kombîyayîşan de ame plankerdene ke 10ê teşrîna verêne de, saete 10.00 de verê Parlamentoyê Ewropa yê Strasbourgî de çalakîya roniştişî ya pîle bêra kerdene.

Şaristanê Freiburgî yê Almanya de bi beşdarîya wekîlê verênî yê HDPyî Musa Farisogluyî kombîyayîşê şarî ame kerdene. Farisogluyî pare kerd ke xêrê têkoşînê Abdullah Ocalanî ra kurdî resayê nê rojan. Farisogluyî da zanayene ke şexsê Abdullah Ocalanî de şarê kurdî yeno tecrîdkerdene û venga pêro kurdîstanijan da ke beşdarê çalakîya Strasbourgî ya 9ê teşrîna verêne bibê.