Paytextê Fransa Paris û bajarê Soluthurnî yê Swisre de semedê yadkerdişê şehîdan aktîvîteyî ameyî organîzekerdene.

Merkezê Komelê Kurdan ê Ahmet Kayayî yê Parîsî de şexsê gerîlayî Huseyîn Firat, Alî Norşîn û Cîger Amed ê ke 22ê tebae de Hatay de şehîd kewtî û Fermadaranê HPGyî ra Egîd Cinvyabî Canfeda Goyî Hebûn Girêsipî yê ke 11ê êlule de Wan de şehîd bîyî,  de şehîdî ameyî vîrardene.

Qiseykerdişanê bi nameyê Komîteya Şehîdan de ame vatene ke PKK semedê şarê kurdî xover dano û kurdê ke şehîdanê xo rê deyndar ê do rêça înan de têkoşînî pîlêr bikerê.

Bajarekê Gerlafingenî yê bajarê Soluthurnî yê Sîwre de zî şehîdê aşma teşrîna verêne ameyî yadkerdene. Vîrardiş de derheqê xoverdayîşê şehîdan de ame qiseykerdene û ame vatene ke ê sey şarê kurdî do wayîrê mîrasê şehîdan bivejîyê.