Endamanê KNKyî Refîk Gefur, Şaho Palanu û Nîyaz Abdullahî dîyar kerd ke awankerdişê komelê demokratîkî de her kes wayîrê mesuldarî yo û vat ke ganî kurdî haştîya xo ya zereyî bîyarê ca û bi yewîye serkêşîya prosesî bikerê.
Endamanê KNKyî Refîk Gefur, Şaho Palanu û Nîyaz Abdullahî derheqê paradîgmaya newîye ya Rayber Apoyî û serebûtanê peyênan ê Rojhelatê Mîyanênî de ajansê ma rê qisey kerd.
Refîk Gefurî bale ante girîngîya prosesê neweyî ser û vat: ‘’Paradîgmaya Rayber Apoyî tena seba kurdan ney seba pêro Rojhelatê Mîyanênî vîzyonêk o. Ganî ma wayîrê nê projeyî vejîyê. Seba komelê demokratîkî mesuldarîyê ma est ê. Ganî dewleta tirke bi reformanê pîlêran wayîra prosesî vejîya.’’
Sîyasetmedar Şaho Palanuyî vat: ‘’Peymana Lozanî 100 serrî xo pey de verdayî. No proses bi polîtîkayanê înkar û îmha derbaz bîyo. Kurdan nê astengîyî werte ra wedaritî. Ganî ma naye ser o bifikirîyê. Proseso newe yê Ocalanî û referansê ci yê demokratîkî seba haştîye girîng ê. Bêguman nêzdîbîyayîşê dewleta tirke krîtîk o.’’
Rojnameger Nîyaz Abdullahî vat: ‘’Artêşa tirke ya îşxalkere hêrişanê xo yê vera Başûrî rê dewam kena. Nê prosesî reyde ganî leşkerê tirkî bi temamî Başûrî ra xo apey biancê. Ganî hêrişê vera Rojawanî zî vinderê. Ganî Vakur de mekanîzmayê sîyasetî dewre de bibê. Ganî kurdî haştîya xo ya zereyî bîyarê ca û bi yewîye serkêşîya prosesî bikerê.’’
