Gerîlayê YJA Starî  Dîrene Wan (Aliye Kiye), Adare Amed (Hatice Ay) û Dîcle Sêrt (Hacere Sucin)  ê ke 20ê êlule de Amed de şehîd bibî bajarê Dortmundî yê Almanya de bi aktîvîteyêke ameyî yadkerdene.

Bi nameye keyeyî xalê Şehîde Dîrene Wanî Hecî Salihî qisey kerd û vat ê do tim pabesteyê şehîdanê xo bimanê. Bi nameye Komeleya Keyeyê Şehîdan û Vînîbîyayeyan  (KOMAW) Fatma Dêrsim û bi nameye Têgêrayîşê Cinîyan ê Kurdan Rahîme Bafê qisey kerd.  Rehîme Bafê bale ante têkoşînê Têgêrayîşê Cinîyan ê Kurdan ser û vat slogana Jin, Jiyan, Azadî ya ke ewro têkoşînê cinîyan de yena vatene, wayîrê ci yê esasî gerîlayê cinîyî yê ke şehîd bîyî, ê yê.Dima ra xalzayê Dîrene Wan Çekdar Botanî ke bi nameye keyeyî qisey kerd. Çekdar Botanî şehîdê keyeyî yê bînî zî ardî vîrî û qala vîrameyîşanê xo û Dîrene Wan kerd.

Badê seyrkerdişê sînevîyonê ke derheqê hîrê şehîdan de amebi amadekerdene yadkerdiş bi slogan qedîya.