Nobeta Azadîye ke Strasbourg de yena domnayene hetê grûba ke bajarê Oldenburgî yê Almanya ra ameye ra ameye dewrgirewtene. Gruba ke do hewteyêk nobete bitepişo vera tecrîd, qirkerdiş û îşxalî semedê yewîya neteweyîye veng da.
Nobeta Azadîye ke hetê Înîsîyatîfê Ocalanî rê Azadîye ra 25ê hezîrane 2012 de bajarê Strasborugî yê Fransa de dîyaye destpêkerdene hewteyê 470. de ya. Nobete hetê grûba ke bajarê Oldenburgî yê Almanya ra ameye ra ameye dewrgirewtene.
Nobeta Azadîye ke semedê azadîya fîzîkîye ya Rayberê Şarê Kurdî Abdullah Ocalanî yena kerdene nuqtaya hempare ya ke dezgehê Ewropa tede yê de yena domnayene. Grûba nê hewteyî de Dadaş Kutlucuoglu, Rehane Cizirî, Medya Halil û Avesta Cîzîrî estê.
Dadaş Kutlucugoluyî ke bi nameyê grûbe qisey kerd nê vatî: ''Ma çalakîya ke 9 serrî yo seba Rayberîye yena kerdene dewr girewte. Na çalakîya ma ya tewr derge ya Ewropa ya. Rayberîye semedê ma cuye, estbîyayîş, ziwan, kultur,huner û neteweyîya ma yo. Wayîrvejîyayîşê Rayberîye wayîrvejîyayîşê xo yê. Rayberîye semedê estbîyayîşê kurdan têkoşîn keno. Dewleta tirke vera gerîlayan çeka kîmyewîye şuxulnena. Gerîlayî vera heme hêrişan têkoşînê xurtî danê.''
